1. |
Agurra
02:11
|
|||
ekarri zaituztegunak
etsaiak eta lagunak
begi eta gogo argiak
dira behar ditugunak
oi, au, hustuak
beteko manifestuak
teilatuetako kedarrak
airera hiri zaharrak
doinuak leundu ote
ditzake gure negarrak?
oi, au, laztuak
leundu manifestuak
egoeraren zorrotzak
eguneroko morrontzak
ostu egiten dizkigu
gureak ziren ahotsak
oi, au, ostuak
itzuli manifestuak
eta eskuak eskuari
emanaldi bat opari
zer kantatu behar zaio
kantuz ez dakienari?
oi, au, eskuak
dakargu manifestua
|
||||
2. |
Gaua heltzen da eta
02:01
|
|||
Gaua heltzen da eta
ohartzen zara ez duzula bazkaldu
egunak badoaz eta
zure gogoa ezerk ase al du
asteartea baino ez da eta
asteak bost egun luze dirudi
gauarekin polizia dator eta
amorrua mina nazka basakeria
egunarekin datoz etxegabetzeak
amorrua mina nazka basakeria
erailketak bortxaketak irainak erasoak
zerrendatzen dugu miseria
berrogeita hamar urtez
itxaron beharko ote diogu
geuk ere soseguari
langile zaharraren gisara
eguzkia hartu artean
zerbaiten esperoan
---
Borrokarako molde berrien
ta zaharren azterketa,
errazkeria erreformisten
behin betiko bazterketa.
Galbahe baten modukoa da
gizaldien lasterketa.
Aieru baten eroale, gu,
joan goaz zangarteka,
gaurko urratsek letorkeenaren
ernemina dakarte ta!
|
||||
3. |
||||
Langileria hilik ei da, kontsumitzaileak gara,
Aurrera egin dugula, jendea gara, ez beste;
Batzuk oso ongi ari, besteak lur jota,
Ez kezkatu azkenekin, irabazleen sasoia da.
Sustraiak eta non gauden ahaztuta;
Iruditzen zait mugimendu dena desegingo dela.
Itxura berri-berria behar omen dugu,
Arazoa handiagoa dela guk ez bageneki,
Batzuk jokoan bezala ari diren artean,
Langileak oraindikan hiltzen dira lanean.
Sustraiak eta non gauden ahaztuta;
Iruditzen zait mugimendu dena desegingo dela.
|
||||
4. |
||||
Telebista piztuta afaltzen da gure etxeetan egunero
Platerek plateren aurka jotzen dute batzen direnean
Mahai gainean egoten dira afaritako hondarrak
Zigarro bat pizten da
Notiziek egunekoak errepasatzen dituzte
Bi figurak, mahaiaren alde banatan, notiziei begira
Errepasatzen dituzte munduari begiratzeko dituzten moduak
Telebista piztuta, zigarro baten kea, bi figura
Aitzakia perfektua gerrarako
Lehenengoak dio:
Nik hartuko dut hitza
Kostata agian baina hemen ez dago isilik gelditzerik
Notiziek hitz egiten dute gezurrekin
Eta isilik gelditzea haien ahotik hitz egitea da
Mundua zabala da:
Begien parean ikusten dut
Zein iritzi daukadan 130.000 langabeez?
Zer uste dudan suak hartutako kontainer batez?
Argi dago: neure burua ikusten dut haiengan
Mundua zabala da
Eta uste dut zabalago behar lukeela
Figura bana dago mahaiaren alde banatan
Bien artean kea
Bigarrenak, begiak telebistatik mahairatu
Eta honela diotso:
Zuk zer jakingo duzu munduaz
Mundua zabala da, bai: zabalegia zuretzat
Zuk langabeak ikusten dituzu, nik bizkarroiak
Zuk zeure burua ikusten duzu, nik besteak
Nik neure bizimodua ateratzen dut
Eta horrekin nahikoa daukat
Gu finean ez gara hain gaizki bizi
Ez dut uste gehiegi eskatzen dudanik
Nik neure iritzia edukitzeko eskubidea daukat
Eta nire kaleak pintadaz bete ez ditzatela eskatzekoa ere bai
Zuk zer jakingo duzu munduaz
Nik neure iritzia daukat eta horrekin nahiko
Ez dugu nostalgiarik behar
Lehenengoak amaituko du
Oraingoan ez dio begiratuko
Mahaiaren bestaldean dagoenari
Aurrerago begiratuko du eta esan:
Esaten dute gurea nostalgia dela
Baina guk badakigu ezinbesteko biharamuna dela
Nostalgia handiagorik ez baitago
Zure ingurua zatika erortzen ari dela ez ikustea baino
Esaten dute inozokeria dela
Baina guk badakigu inozokeriaren amaiera dela
Gure inguru guztiaz jabetu nahi dugu
Geure buruez jabetzeko
Bide horretan abiatu gara
Eta erre egingo ditugu itzulerako zubi guztiak
|
||||
5. |
Aliantza (Robert Wyatt)
03:50
|
|||
Itun moduko bat dago eta zu nagusi
Zure arreta nahiak onik ez guri
Zail da etsaiei mintzatzea, eta hori gara gu
Elkarren antzak ere zaildu egiten du
Klase ertaineko izateaz harrotzen zara
Zu aski omen zara, baina bakarrik ez zara deus
Beldurtzen zaituena da –eta ondo dakizu–
Gu behar gaituzula, eta guk ez zu
Zeure ustea omen duzu, denen berdina
Bataila berrietan zaharraren bila
|
||||
6. |
||||
zaldiak datoz urrundik
trostan datoz, handi, lasai
grina-begi, amets-bisai
oihan beltzaren barrundik
behor gorri, zaldi arre
berrogeien bat badira
oihan beltzetik argira
oin-hots, irrintzi eta barre
berrogeien bat badira
piztion arineketa
urrundik badatoz eta
beti urruna begira
azkar aurreratu ahala
zelaitzen doaz malkarrak
zituzten neke pixarrak
ere zelaituz bezala
behin utzitako mendiak
halakoan parez pare
topatutakoan, bare
jaso dituzte begiak
betiko muino berdean
jartzerakoan apatxa
mantendu dute arnasa
guztiek aldi berean
zaldiak urrundik datoz
beren abialekura
itzultzearen tristura
gailendu zaie lehenengoz
haatik behin behaturik
mendiak eta zelaiak
jaitsi dituzte bisaiak
ez da galtzeko astirik
hartu zuten helburu zahar
hura ez dezakete ahantz
handik eta beti harantz
mendi berrietan zehar
mendi berrienetatik
beti urruna begira
berrogei zaldi badira
den-dena dute aurretik
|
||||
7. |
||||
Bizitza joan, bizitza ihes
Egunero egonezinez
Gorri zein gris, eskuin-ezker
Gure iraultzaz ez da ezer
Lanak ordain eta lanak hil
Denbora merkatuan dabil
Lan-denbora ez da itzuliko
Denbora galduz gara hilko
Maitatzeko begiradak
Gauzen mundu baten isladak
Ez ametsik, ez egiarik
Irudiak ez besterik
Hildakoak, gosedunak
Lehenetik datozkigunak
Dena berdin eta hala ere
Dena hasi da berriz ere
Erre bitez kabi denak
Jabeenak, polizienak
Haize-ekaitzek dakartzate
Egun alaiak hil arte
Guri beha den fusila
Jarri zapaltzaileei begira
Nagusiei, Estatuari
Gutaz probesten denari
|
||||
8. |
||||
Zazpi Atedun Tebas hura, nork eraiki zuen?
Liburuetan Errege izenik baizik ez da ageri.
Erregeek garraiatu ote zituzten harritzar haundiok?
Eta hainbatetan porrokatua izan zen Babilonia,
nork jaso zuen beste hainbestetan?
Lima distirant hura eraiki zuten langileak,
ze etxetan bizi ote ziren?
Txinako Harresia bukatu zen iluntzean:
nora jo zuten harginek?
Erroma bikain hura garaitza arkuz beterik.
Nork altxatu zituen?
Nortzuk menperatu zituzten Zesarrek?
Hain ospetsua zen Bizantziok,
jauregiz besterik ez ote zuen bertako jendearentzat?
Alegiazko Atlantidan berebat, itsasoak irentsi zuen gauean,
biztanleak ito zorian oihuka ari zitzaizkien
beren esklaboei laguntza eske.
Felipe Espainiakoak negar egin omen zuen
bere Armada urperatu zenean.
Ez ote zuen beste inork negarrik egin?
Garaitza bat orrialde bakoitzean.
Nortzuk atondu zituzten garaitza banketeak?
Zenbat historia, hainbat galdera.
Historiak bezainbat galdera.
Zenbat historia! Zenbat galdera!
|
||||
9. |
Gu nor garen
03:06
|
|||
Geure izenean hitz egiten dugu
Lehenengo pertsonan, pluralean hitz egiten dugu
Ez garelako inoren izenean ari
Geure izenean ez bada
Geuk hitz egiten diegulako geure buruei
Eta zuk
Eta zuk
Aztoratuta galdetzen diguzu
Nor ostia ote den gu hori
Gu nor garen galdetzen diguzu
Erantzungo dizugu
Erantzungo dizugu
Erantzungo dizugu
Gu gara gaur
Gezurraren garaira jaiotako jendea
Ziurgabetasunaren sinonimo den etorkizuna
Salgai jarri genituen patrikako zuloak
Gu gara gaur
Elkarren antza daukagun milioika bakardade
Begiak, eskuak, lepoak, izterrak
Kaleetan eta plazetan elkar irakurtzen dugunak
Gu gara gaur
Helduleku bila altxatzen den eskua
Gu gara gaur
«Saiatu eta lortuko duzu» eta ez lortzea
Gu gara gaur
9.500 euro, hamabi paga
Gu gara gaur
Gezurraren garaira jaiotako jendea
Elkarren antza daukagun milioika bakardade
Sinetsarazi nahi zigutena hiltzen duen ideia
Geure izenean hitz egiten dugu
Lehenengo pertsonan, pluralean hitz egiten dugu
Geuk hitz egiten diegulako geure buruei
Eta oraindik harritu egiten zara
Eta oraindik galdetzen diguzu nor garen gu
Eta guk erantzun:
Ez gara soilik orain garena
Ez gara soilik orain garena
Ez gara soilik orain garena
Gu gara atzo
Langile-saldoak nagusiaren etxerantz korrika
Kontsigna bat iraultzaren gauzapenerako
15.000 pertsona obra bat antzezten
Gu gara atzo
Etsaiaren krudelkeria atergabea
Gu gara atzo
Oihal gorri bat hilkutxa baten gainean
Gu gara atzo
Porrotaren alabak gara
Iraultza fusilatuaren semeak
Berriz abiatzen direnak urduri
Zaldi-samalda baten trostan
Asmorik eta zaharrena berritzera
Eta oraindik galdetzen diguzu
Gu nor garen
Gu nor garen?
Erantzungo dizugu
Ez gara orain garena soilik
Noizbait izan gaitezkeena baizik
Noizbait izan gaitezkeena baizik
Noizbait izan gaitezkeen guztia
Gu gara atzo
Gu gara gaur
Gu gara bihar
Ahots bat tintaz oihukatzen:
«Nintzen, naiz eta izango naiz!»
Geure izenean hitz egiten dugu
Lehenengo pertsonan, pluralean hitz egiten dugu
Geuk hitz egiten diegulako geure buruei
Geuk sortu nahi ditugulako geure buruak
Mezu bat daukagu eta airean darabilgu
Ez daukagu gauza handirik
Eta asko da eskatzen duguna
Gu gara atzo, gaur, bihar
Eta ez gara galtzeko beldur
Ez gara irabazteko beldur
Izan diren porrot guztiak baitaramatzagu gurekin
Eta gurekin baitaramagu garaipenaren eguna ere
Geure izenean hitz egiten dugu
Gu nor garen galdetzen diguzu
Eta guk erantzun:
Gu manifestu bat gara
Kanta berri bat gara haizatzean
Bost hatz beste bost hatzi bilduta
Atzo gara eta gaur eta bihar
Asmorik zaharrena berritzera abiatu garenak
Mundu berria gara eraikuntzan
Kosmobisio oso bat
Manifestu bat
Manifestu bat
Manifestu bat
Eta manifestu bat da gure ekintza bakoitza
|
||||
10. |
Manifestua (Victor Jara)
04:42
|
|||
Kantatzearren ez naiz kantuz
Ez boz ona dudalako
Kantuz naiz nire ahotsak
Arrazoia daukalako
Lur-bihotza dauka eta
Uso-antzeko hegalak
Ahotsak urak bezala
Garbitzen pozak eta penak
Hauxe da nire kantua
Violetaren antzekoa
Hauxe langile-ahotsa
Udaberri-usainekoa
Ez da aberats-ahotsa
Ez bateko ez besteko
Aldamioetakoa da
Handik izarrei heltzeko
Kantuak badu zentzurik
Borborka ari denean
Egia argi kantatzen
Hilko denaren zainetan
Ez axaleko lausengurik
Ez ospea eskaintzean
Lanaren ahotsa baizik
Lurraren barrunbeetan
Dena iristen den eta
Dena hasten den tokia
Ausarta den kantu hori
Beti da kantu berria
|
If you like EKIDA arte ekimen sozialista, you may also like:
Bandcamp Daily your guide to the world of Bandcamp